kuchh lamho ko bhula dena hi achchha,

kuchh lamho ko bhula dena hi achchha,
dil me chhupe jazbaato ko dabaa dena hi achchha,
bahut tang karti hain ye yaadein umra bhar,
kuchh yaado ko zinda jala dena hi achchha...

kuchh aansuo ko palko se gira dena hi achchha,
kuchh sapno me nind se jagaa dena hi achchha,
agar sapne me aakar sataati hain kuchh baatein,
to poori raat khuli aankhon me bitaa dena hi achchha...

kuchh hasrato ko gala ghot kar maar dena hi achchha,
kuchh chaahato ko chaah kr bhi anchaaha krna hi achchha,
dil-e-naadaan ki har zid sahi nahi hoti,
kabhi kabhi is dil ko tadpaana bhi achchha...

23/08/2011