Main Dhundhta Hoon....

Raat ki tanhaaiyo me chhupa raaz dhundhta hu,
khamoshiyo ko jo sur de sake wo saaz dhundhta hu,
mehfilo me to aksar sur taal ka lagta hai mela,
jo toote hue dil ko de sake sukoon wo aawaaz dhundhta hu...

gam dekh kr kisi ka jo bhar aaye wo aankh dhundhta hu,
har baat me pyaar se nikli do baat dhundhta hu,
kuchh kadam saath chalne ko to mil jaate hain kayi kaafile,
zindagi bhar jo thaam sake mujhe wo haath dhundhta hu...

har lamhe me chhupi zindagi ki karaamaat dhundhta hu,
an-chaahi jeet me armaano ki maut ki saugaat dhundhta hu,
naye bandhan jod kar to sabhi krte h shuru ek naya jeevan,
main to janaazo me bhi nayi zindagi ki shuruaat dhundhta hu....


-Vibsy  :-)